Terbaik sepanjang zaman

kok dilipek sobosa kuku, kok dibontang sobosa alam,
kok hanyut dipinteh, kok tonggolam disolam,
kok datang biar nampak muko, kok poie biar nampak belakang,
kok jauh diimbau, kok dokek digamit,
seuntai salam, sejambak kato,
selamat meluncur, pembaco sumo.

Ahad, 31 Oktober 2010

Bermula semula

Salah satu dari kelebihan manusio kek dunio ni, iolah bertaubat.
kalau da taubat itu kono menyoso. menyoso dalam erti kato lain tidak meraso sonang atau meraso susah ati dengan apo juo kesalahan atau kesilapan yang telah berlaku.
lopeih tu, berazam untuk tidak mengulangi laie kesilapan atau kesalahan yang samo.
kalau ado buek salah tu sesamo manusio, kono la poie mintak ampun kek orang eyh.
dan, kalau nak bertaubat tu, biarla sebolom tibo ari yang dijanjikan, samo ado yang telah tetap untuk diri kito atau totap untuk seluruh alam...

jadi, apo bondo eyh kelebihan ni?
inilah sebosa-bosa nikmat kek umat manusio dalam dunio ni.
kalau tak dibagi peluang untuk bertaubat, mako memang malanglah kito suma.
manusio ni tak pernah lari dari buek silap.
dari sekocik2 salah sampai yang sobosa-bosa gunung, sume dibuek eyh.
yang soda, yang tak soda, yang ingat, yang lupo, macam-macam lah salah eyh.
tapi, dek kerano pengasih eyh tuhan tu, dio sedio memaapkan hambo-hambo eyh.

kok ado jarum yang patah,
jangan disimpan dalam poti,
kok ado silap dan salah,
jangan disimpan dalam hati.

kok ado sumur diladang,
boleyh sey menumpang mandi,
kok ado umur yang panjang,
boleyh kito jumpo laie.

Tiada ulasan:

Peluncur Professional

sapolah den ni....

Foto saya
given name is FAARIS, nicknamed hubahuba on the net. nama diberi ialah FAARIS. di internet saya lebih senang dikenali sebagai HUBAHUBA.