Terbaik sepanjang zaman

kok dilipek sobosa kuku, kok dibontang sobosa alam,
kok hanyut dipinteh, kok tonggolam disolam,
kok datang biar nampak muko, kok poie biar nampak belakang,
kok jauh diimbau, kok dokek digamit,
seuntai salam, sejambak kato,
selamat meluncur, pembaco sumo.

Jumaat, 19 Februari 2016

Apo kono eh jang???

da duo ribu nam boleh da ha.

apo xdo nulih da ompek taun?
mano poie?

hahaha.

lupo plak ado blog ha. xberhapdet da berjaman.

nijam orang da jarang pakai blog, sumo eyh kek fesbuk yo.

sonang tulih. lagipun jaman ni asyik pakai smartphone, susah la nak hapdet blog.

baru dapek nak nonggok dopan laptop, baru ade ghaso nak nulih kek blog.

tapi, xdo pulak idea nak tulih apo sekarang ni.

kito cari bahan dulu yo... kang dah ado cito baru la bulih nulih laie.

Selamat Hari Jumaat, jgn buek2 lupo poie mosjid tu... hehehe

Jumaat, 21 Disember 2012

[Tampin Stories] Bayar Bil dengan mesin cash deposit TMNET

haha, dah lamo bona tak nulih ni, da tatau da nak buek ayat pembukaan camno, camni pon buleyh la yo? haha

Pagi ni, den tolong omak den poie bayar bil. sobolom bayar bil tu, den poie anta dulu KOKO MINDA PLUS kek customer abah den, kek Taman Baiduri, Kuala Ina. lopeih tu den pon poie la TMpoint Tampin. Omak den koba kalau bayar kek tmpoint laei sonang daghi pejabek pos. lagipun pejabek pos ni ghamai oghang. jadi den poie la situ.

Bilo den masuk yo dalam TMpoint, akak yang kek kaunter penyambut tetamu tu tanyo den nak buek urusan apo? Den pon koba la den nak bayar bil. bilo da cemtu, akak tu pon koba den kono bayar bil kek mesin. tocongang la den nengok ada mesin cash deposit tercacak kek topi pintu masuk tadi. lopeih tu akak tu pon koba dio nak tolong kiro bil den.

Mesin cash deposit ni, tak boleh terima duit singgit ngan syiling. jadi kono la bayar ikot cukup2. bilo akak tu da tolong kiro bil yang omak den suruh bayar tu, sumo eyh seratuih semilan puluh ringgit semilan puluh sen (RM 190.95). jadi, camno nak bayar eyh? akak tu pon cadang an suapyo den tak payah bayar lagi 95 sen untuk bil TNB. den pon ikot kan yo la. takkan TNB nak potong api umah sobab tak bayar 95 sen? hahaha. akak ni jugak tolong tuka an duit kocik untuk den.

den pon beratur la kat mesin tu. ada la sorg acik jaga ni, jadi instructor kek mesin ni. dio pon tolong tunjuk camno nak guno mesin ni dan tolong baco no akaun bil-bil den. bagus btol acik jaga ni. huhu. tapi sobona eyh sonang yo nak guno mesin TMpoint ni. best plak dapat guno mesin ni.

kalo ikut an cakap akak kaunter tu tadi, mesin cash deposit akan diguno soponoh eyh tahun dopan, mula dari bulan ni la. lopeih ni, nak bayar kono la bawak duit cukup2 maso nak bayar bil. huhuhu.

Ahad, 24 Jun 2012

Apo cito eh ni jang?

Lamo bona ghaso eyh tak nulih ni...

Skang ni den dah ghaso gomok bona dah. maklumlah, makan tido makan tido yo kojo. dalam kelas pon tido, luar kelas tido laie. lapa makan, konyang makan jugak. dah buncit da ha..

ha, itu diri den. Blaja den ni setaun yo laie. lopeih tu masuk balik ke alam pekerjaan. Tak dinafikan memiliki wang sendiri adalah suatu perkara yang menyeronokkan. Ghaso macam ekaulah yang susun idup ekau, suko ati ekaulah nak buek apo kan?

sambung blaja ni lain skit. laie2 pulak jadi full time student macam sey ni. Dah tu pulak, kono la pulak laie tuo dari rakan2 sekelas. ghaso macam polik skit la. Tak memasal den pon samo yo macam budak2. Main yo kojo eyh. hahaha. Tapi takpo, yang ponting result eyh gempak. Macam mano gempak? Dapek anugerah cemerlang 3 kali berturut-turut. nak lagi gempak? Dapek sumo A sepanjang pengajian. tapi tu dah x mungkin la. cumo sem2 akhir den igt nak dapek sumo A.

Jujur eyh, kalau kito nak berjayo, azam kono kuek, kojo kono kuek, doa pon kono kuek yo. Satu yo lombik, susah lah nak jadi orang berjayo. Jadi, azam tu sey da ado, yg buek kojo pon den, yang doa tu lah kot boleyh la orang lain tolong doa samo. Den nak abih an belaja ni dan cubo bondo lain pulak. lamo bona pulak ghaso eyh pogang title pelajar ni. umur dah lanjut tapi belaja tak abih2. jadi, harap2 taun dopat dapek la grad.

Banyak nak cito laie ni, tapi takpo lah, len kali lah pulak. nanti kang takdo apo pulak nak tulih. haha.

Sabtu, 10 September 2011

Telur Separuh Masak [Soft boiled egg]

Hari ni den masak soft boiled egg...

Apparatus:
Water Heater
Stainlesssteel Bowl
Plastic cover

Ingredient:
2 Eggs
1 litre of water

Method:
Heat up water to boiling point.

Put eggs into the bowl.

Put the hot water slowly into the bowl.

Cover it with the lid.

Wait for 10 minutes.

Serve with soy sauce and pepper powder.


haha cakap omputih den arini....

Khamis, 8 September 2011

Peluang tidak datang selalu

Iyo, memang boto. Orang selalu cakap, rugi den terlopeih peluang....


jadi, sok sok jangan merungut kalau ekau tak amik peluang yang ado ni...

1st Prize individual yo dah buleh dapek RM25000...

tu tak campur kategori2 lain tuh... jadi ambillah peluang ini...


Try investing in shares, without the risk of losing your own money

Sonang yo kojo eyh, daftar kek laman web tuh.

Lopeih tu tggu sampai bulan oktober ni, dan mulo TRADING!

sapo dapek banyak untung dio monang!

Tak payah susah2 nak pakai duit sendiri, sobab permainan saham ni dah bagi duit digital.

Cumo ekau sumo kono tau nak jual boli saham yo.. tu pon dio ado aja.

Nak sey aja? boleh2... tinggalkan komen kek bawah nun...

Jangan lopeih an peluang ni yo...

Peluang berlalu secopek awan kato orang arab...

klik disini >>>PELUANG<<< klik disini

Peluncur Professional

sapolah den ni....

Foto saya
given name is FAARIS, nicknamed hubahuba on the net. nama diberi ialah FAARIS. di internet saya lebih senang dikenali sebagai HUBAHUBA.