Dari Tampin Ke KL [part 1]

ahad yang lopeih, eden poie ko kolumpo, poie mini reunion kawan-kawan sekolah lamo dari Jompo kek KLCC...
janji pkol soboleh nak sampai... jadi den pon bertolak la dari umah tampin pkol 8... tapi, apokan dayo, sampai stesen bas, den nek bas, tgu la lamo2 dalam tu sobolom bas jalan... jadi sobab tu, den sampai somban pkol 10 pagi...
lopeih nek bas, tuka nek komuter... sobab den da terlampau panik takut da lambat, den da tersalah boli tiket, den poie ko bandar tasik selatan. sobonar eyh, nak poie KLCC laie sonang ko sentral, lopeih tu tuka tren ke KLCC. jadi, bilo den da bronti kek BTS tuh, den kono tuka tigo tren... jadi den sampai la pkol soboleh stongah.
bilo den sampai, cumo ado 3 orang jo yang ado bersamo den... kono tggu laie ompek orang... 2 dari somban, sorang dari serdang, sorang dari shah alam...
agak2 pkol 12 tuh, sumo da ado kek KLCC, lepak kek KFC... tapi tak boli la, cumo duduk2 yo... hehehehe :p
lopeih tuh da ghaso lapa, poie la makan kek fudkot tongah KLCC, Singatures...
macam2 la cito, gosip, lawak dan pendapat yang ditukar-tukar. memang seronok bilo bersamo-samo. sorang kawan den ni memang da boto-boto 4 tahun tak berjumpo. yolah, orang blaja kek indon nun... :p

lopeih makan, bergambar-gambar kojap... lopeih tuh berpisah... habis part 1

Ulasan

Catatan popular daripada blog ini

Peluang tidak datang selalu

Budu dan Cencalok

Naza Bistari yang canggih...