Terbaik sepanjang zaman

kok dilipek sobosa kuku, kok dibontang sobosa alam,
kok hanyut dipinteh, kok tonggolam disolam,
kok datang biar nampak muko, kok poie biar nampak belakang,
kok jauh diimbau, kok dokek digamit,
seuntai salam, sejambak kato,
selamat meluncur, pembaco sumo.

Selasa, 8 Disember 2009

Cuti-cuti luar nogori: Bandaraya Batu Pahat

Sapo sangko yang eden akan menjojak an kaki kek bandar batu pahat ni...
setelah sekian lamo den dok dongar cito pasal batu pahat dari orang2 sekeliling den, akhir eyh den dapek jugak menjojak an kaki ko batu pahat ni...

pak sedaro den sorang duduk kek batu pahat... mako macam2 lah cito pasal batu pahat yang den donga... dari nasi beriani sampai ko rogo keto...
mulo2 den x dapek nak bayang an batu pahat tu macam mano... ingat an macam muar ko...
tapi bilo sampai situ, ternyato sangkaan den meleset samo sekali. Batu Pahat memang bosa, jauh laie bosa dari pokan tampin...

macam2 bondo yang menarik perhatian den kek batu pahat ni, tapi x sumo eyh dapek den terokai... sobab eyh, den ado kojo!

dari ari senin, den bertolak ko batu pahat bersamo-samo mak abah den nek Bistari :D kami konvoi dengan Ustaz Lah yang nek Innova bersamo anak-anak eyh. kami bertolak dalam pukul 6 potang dan sampai pkol 8 malam, lalu lebuh AMJ. malam sobolom tuh, den dah buka internet nak nengok kek mano lotak eyh hotel Pelican yang abah den dah tompah. asal eyh nak poie hotel Katerina tapi da full. jadi, pilihan keduo pon pilihan terbaik setakat tu.

sepanjang perjalanan, den dapek la tengok pemandangan melako, muar dan tontulah batu pahat. maso lalu jasin agak bosan la jugak sobab banyak ladang ngan hutan yo. tapi bilo sampai kek muar, den kagum sobab setiap 1 kilometer mosti ado masjid. tapi satu pon kami tak singgah sobab nak copek sampai ko batu pahat. lebih kurang pkol 8 malam, kami dah sampai batu pahat. asal eyh abah den nak ajak makan nasi beriani. tapi malang, sobab nasi beriani x bukak malam2. jadi, kami pon makan yo lah kek medan selera tasik y. den tak tau apo pasal dipanggil tasik y, mungkin sobab tiap kali orang poie tasik tu, orang pon tertanyo-tanyo... y? y? y?

lopeih makan, kami pon check in kek hotel pelican. hotel pelican ni kalau kito dari muar, memang sonang bona nak cari eyh. kek topi jalan yo.

lopeih check in, lotak barang sumo, malam tu den tido awal. sobab esok eyh nak kojo!

[like always la... to be continued]

Tiada ulasan:

Peluncur Professional

sapolah den ni....

Foto saya
given name is FAARIS, nicknamed hubahuba on the net. nama diberi ialah FAARIS. di internet saya lebih senang dikenali sebagai HUBAHUBA.