Terbaik sepanjang zaman

kok dilipek sobosa kuku, kok dibontang sobosa alam,
kok hanyut dipinteh, kok tonggolam disolam,
kok datang biar nampak muko, kok poie biar nampak belakang,
kok jauh diimbau, kok dokek digamit,
seuntai salam, sejambak kato,
selamat meluncur, pembaco sumo.

Rabu, 18 November 2009

Perarakan kemenangan

Semalam den poie kojo kek tampin.
Maso den nak kuar dari ghumah tu, ujan da mulo turun.
dah lah den nek moto.
jadi den pon pocut la poie bandar.
dalam pado tu, hujan pon turun makin lobek.
nasib baik den sompek sampai kek kodai sobolom den basah kuyup.

macam biaso den lotak la barang sumo kek dalam pejabat.
lopeih tu berlayar kek dalam lautan internet.

lobieh kurang pkol ompek potang, tibo2 den donga bunyi bising kek luar.
den pon pikey ni ado po bondo eh pulak ni.
dari tompek den takdo tingkap jadi den x dapek nak tengok apo yang berlaku kek luar.
tibo2 den teringat apo yang den baca dalam sokkabar sabtu lopeih...
PERARAKAN KEMENANGAN PIALA MALAYSIA!
nogori sombilan juara untuk tahun 2009!
setelah sekian lamo mengidam, akhir sekali dapek jugak...
HOBIN JANG HOBIN!

den pon berlari keluar tengok apo yang diorang buek dalam perarakan tu.
den nampak sebahagian pemain berdiri kek ateih bas duo tingkat, sambil pogang piala malaysia.
lopeih tu ado plak beberapo buah truk 4wd yang mengibarkan bendero nogori.
selain tu ado jugak moto tricycle naza yang menarik perhatian den.
den research kek internet namo eyh SPYDER CAN-AM...

tu sajo yang menarik perhatian den, mat2 rempit yang ikot kek blakang tu den tak peduli...

TAHNIAH Pasukan NEGERI SEMBILAN!

Tiada ulasan:

Peluncur Professional

sapolah den ni....

Foto saya
given name is FAARIS, nicknamed hubahuba on the net. nama diberi ialah FAARIS. di internet saya lebih senang dikenali sebagai HUBAHUBA.