Terbaik sepanjang zaman

kok dilipek sobosa kuku, kok dibontang sobosa alam,
kok hanyut dipinteh, kok tonggolam disolam,
kok datang biar nampak muko, kok poie biar nampak belakang,
kok jauh diimbau, kok dokek digamit,
seuntai salam, sejambak kato,
selamat meluncur, pembaco sumo.

Selasa, 7 Julai 2009

[Tampin Stories] Rutin cuti Budak Nogori

tiap kali cuti yo, den akan ado rutin yang hampir samo.
kojo kek kodai Mikel.
kodai mikel ni namo eyh Silicon Access Center. kodai ni buek perkhidmatan melayari internet. selain tu, boleh gak mencetak, mengimbas, faks dokumen-dokumen.

pagi2 den poie kojo nek moto. biaso eyh pkol 9 pagi den da kuar umah. den poie sarapan, lopeih tu poie kodai. tolong buka kodai... brosieh an mano yang patut, lap lap cromin...

tugas den sonang yo, duduk tunggu orang datang. kalau nak guno internet, pelanggan kono tulieh namo kek buku log. den tulieh maso masuk ngan nombor komputer yang diguno eyh. kalau ado orang nak cetak, imbas faks dokumen, den buek la. kalau tak, den sendiri layari internet... tu yang buleyh buek post ni ha...

den suko kojo sini. walaupon gaji eyh kocik yo... tapi freedom of working, kebebasan bekerja tu yang best. nak rehat bilo-bilo pon boleyh. janji ado orang jago kaunter... nak poie makan boleyh, nak poie shopping kek tampin square boleyh, nak balik umah pon boleyh. janji ikot maso rehat yang dah diborie...

biaso eyh, bilo time tutup kodai, den akan ikot mikel poie makan sekali... mano ado bos len yang blanjo den makan... ni la sorang2 eyh bos yang blanjo den makan.

kek sini takdo la bondo yang menyusah an bona. rilek yo... x yah kecoh2. bezo dongan hidup kek bandar2 bosa. kalo kek Bandar Universiti Teknologi Legenda pon da huru hara [time buek esimen la biaso eyh], ni kan pulak bandar2 cam kolumpo ataupun penang.

ha camnie la life den tiap kali cuti...

Tiada ulasan:

Peluncur Professional

sapolah den ni....

Foto saya
given name is FAARIS, nicknamed hubahuba on the net. nama diberi ialah FAARIS. di internet saya lebih senang dikenali sebagai HUBAHUBA.