Terbaik sepanjang zaman

kok dilipek sobosa kuku, kok dibontang sobosa alam,
kok hanyut dipinteh, kok tonggolam disolam,
kok datang biar nampak muko, kok poie biar nampak belakang,
kok jauh diimbau, kok dokek digamit,
seuntai salam, sejambak kato,
selamat meluncur, pembaco sumo.

Selasa, 30 Jun 2009

[Tampin Stories] Jagoan Kampung

hari ini, den jadi jaguh kek kampung den. jaguh apo? jaguh catur bistari!

kesah eyh camnie...
semalam den poie KFC tampin, boli cheesy wedges. dalam maso yang samo, den nengok ado iklan pertandingan catur bistari peringkat KFC tampin, tarikh eyh 30 jun 2009. jadi den ghaso, apo salah eyh den masuk kan. laie pon, da bapo kali den nak masuk pertandingna catur bistari nie, asyik x dapek yo...

jadi, potang tadi, den tolak dari rumah den sobolom pkol 3. den sampai KFC tampin tu, den tanyo la akak kek kaunter tu... kek mano nak men catur bistari eyh.. dio pon suro la naik tingkat ateih... den naik, tgk da siap2 susun da catur bistari eyh... tapi pemain eyh pulak takdo... cumo sorang yo baru... last skali game pon start ngan 3 orang pemain sajo...

mulo2 baling dadu den kurang cantik la... tapi den rilek yo, sobab den tau, bukan takat balingan dadu yo yang menontu an monang kalah catur bistari ni... strategi pon kono ado gak... awal2 den memang xdo duit bona... ado ko kono kad fitrah bayar ubahsuai umah 5000... habih la duit den... tapi sumo eyh berubah bilo den amik keputusun untuk boli kodai alat tulis, dengan rogo 8000 sajo... tak lamo lopeih tu, kuar kad belian kedai alat tulis 20000! memang bertuah boto den... dapek la den naik dari laluan makan gaji poie laluan tijarah...

kek laluan tijarah den laie skali silap langkah, bilo den kono kek petak pocah amanah, adoi... 3 giliran den x jalan... jonoh nunggu eyh... paneh buntot tau tgk oghang len dapek duit... kito x dapek jalan... tapi den sabar laie... takdo la nak men emo2 bona do... buek pokerface sudah la... hahahaha

jadi jalan punyo jalan... maso pon tamat setelah satu jam berlalu... kiro2 eset sumo, den dapet nilai duit tertinggi... iaitu 223600 :D

lopeih abih men game tuh, amik2 gambar, amik hadiah la pulak... den dapek voucher KFC bernilai RM50... cadang eyh nak poie guno kek pizza hut nanti... sogan la nak guno kek KFC... hahahaha :D

inilah kesah eyh jagoan kampung dari tampin...

untuk tgk post2 yang berkaitan ngan catur bistari
klik sini

2 ulasan:

~~@L0nG W@niE~~ berkata...

wahhh...catur bistari..dulu ado main skali...best bondo tuh..ala2 saidina.tp kek mano nk boli ha?hubahuba tau tk??maha tk??

hubahuba berkata...

nak boli along poie yo mano2 KFC, tanyo... KFC ado jual pado rogo RM89.90...

eden pakai yang Jcorp tinggal an kek kolej... tak dihambek-hambek eyh laie... dah jadi macam roto den da...

Peluncur Professional

sapolah den ni....

Foto saya
given name is FAARIS, nicknamed hubahuba on the net. nama diberi ialah FAARIS. di internet saya lebih senang dikenali sebagai HUBAHUBA.