Terbaik sepanjang zaman

kok dilipek sobosa kuku, kok dibontang sobosa alam,
kok hanyut dipinteh, kok tonggolam disolam,
kok datang biar nampak muko, kok poie biar nampak belakang,
kok jauh diimbau, kok dokek digamit,
seuntai salam, sejambak kato,
selamat meluncur, pembaco sumo.

Rabu, 20 Mei 2009

Cuti-cuti nogori: Port Dickson [Prt 11]

at last, lopeih sekian lamo den tak sambung cito ni... ari ni den ghaso nak sambung cito...
minta mahap banyak2 pado yang mengikuti siri ni... lamo bona nunggu cito ni abihkan?

jadi lopeih terjadinya insiden kereta berbunyi ger ger ger tuh, keto mati boto-boto kek dopan kodai yang berdekatan dongan tiara beach resort.

ni la 1st time den nek keto bieb jadi camnie. sobolom ni takdo papo...
tuan punyo keto masih cubo bertenang untuk menghidupkan balik enjin. tapi makin lamo lampu keto makin malap. ah sudah... apo pulak ni...

bilo bukak enjin da berasap... berkopo-kopo asap kuar.

den yang taktau papo pasal keto ni, cubo la minta tolong kek kawan2 mekanik den. tapi, apokan daya, waktu da malam, mekanik pon tido jugak...

jadi, langkah pertamo yang kami sumo amik yolah cubo hidupkan enjin. maybe bateri problem kot... so suro si haja amik keto dio kek dalam, nak jump start.

jadi, haja, fadz ngan dani poie la masuk dalam tiara. nasib baik la tak jauh...

den pulak memandai la menggodek sono sini... padahal bukan tau papo pon...

tak lamo lopeih tuh, nampak keto haja kuar kek simpang...
tapi yang polik eyh, dio tak datang pon kek tompek keto kak bieb tersadai, tapi toruih kluar ko jalan bosar... ontah mano dio nak poie ntah. tibo2 dio brek mengojut dan masuk balik ko area kodai, tompek keto kak bieb tersadai...

upacara mula lompat pon dimulakan dengan kehadiran keto haja.
kaedah untuk melakukan mula lompat @ jumpstart bak kato orang kampung den...
1. pastikan keto yang menjadi sumber tenaga dihidupkan
2. sambung kabel negatif ke panel negatif pada setiap keto
3. pastikan kabel2 tadi tidak bersentuhan
4. kemudian pasang kabel positif ke panel positif keto sumber
5. seterusnya pasang hujung kabel satu laie kek keto yang nak dihidupkan.
6. percikan api mungkin terjadi. normal
7. cubo start enjin...

malang eyh walaupon prosedur yang dijalankan tepat dan jitu dari segi kaedah dan pelaksanaan, masih laie keto kak bieb tersadai tidak bernyawo...

sobab masing2 dah ponek, kami sumo amik keputusan untuk sambung tido kek bilik dan baiki keto pado keesokan pagi eyh...

jadi, untuk memastikan keselamatan keto, kami suro pakcik jaga tu tolong tengok-tengokkan keto yang ghusak tuh... mulo2 nak lotak kek sobolah pondok jaga tuh, tapi sobab tompek tu x beratap, jadi jaga tu suro lotak kek bawah khemah yang ado kek parking staff tiara...

apo lak jadi pagi esok eyh? mari samo2 kito saksikan di episod 12...

Tiada ulasan:

Peluncur Professional

sapolah den ni....

Foto saya
given name is FAARIS, nicknamed hubahuba on the net. nama diberi ialah FAARIS. di internet saya lebih senang dikenali sebagai HUBAHUBA.