mencari cinta

dokek seminggu den tak post blog...
sompek online untuk tengok email yo...
tu pon sekali sehari...
agak eyh itu la sobab kenapo blogger2 lagi suko guno laptop berbanding pc.
yolah laptop buleyh bawak merato-rato. poie mano2 pon buleyh online.
tambah2 pulak sekarang ni ngan kemudahan free wifi di sesetengah tompek.
sobona eyh eden ilang seminggu nie sobab kuar mencari cinto.
jumaat malam den gorak ko bangi.
pagi sabtu di kolumpo sampai ari isnin.
selaso turun semulo ko bangi.
malam selasa balik ko tampin.
rabu poie ko mantin. balik hari.
malam ni lagi sekali balik mantin.

dalam seminggu ni den ghaso macam2 perasaan.
suko.
sodih.
gombiro.
terharu.
bersemangat.
takut.
geram.

namokan sumo eyh.
dan perasaan yang paling den tak buleh lupo.
raso cinto.
cinto yang terbit dari dasar hati.
cinto yang dditemui setelah kito mulo mencari.

eden akan post kisah kembaro den di kolumpo nanti.
skang ni sebok nak buek final projek.

jumpo laie lain maso.