Terbaik sepanjang zaman

kok dilipek sobosa kuku, kok dibontang sobosa alam,
kok hanyut dipinteh, kok tonggolam disolam,
kok datang biar nampak muko, kok poie biar nampak belakang,
kok jauh diimbau, kok dokek digamit,
seuntai salam, sejambak kato,
selamat meluncur, pembaco sumo.

Ahad, 16 November 2008

Al-kisah kawanku sudah kahwin.

salah satu sikap den yang sobona eh den pon x tau den ni suko ko tak, ialah sikap mudah percayo kek oghang len. bilo ado oghang berceghito kek den, eden akan percayo. tapi dalam pado percaya tuh, den masih laie mempertikaikan kesahihan ceghito tu kemudian eyh.
jadi satu hari yang tenang, eden dapek kontek semulo ngan sorang kawan lamo den. agak2 eyh da lebey kurang duo-tigo tahun la tak jumpo. eden pon tak tau apo koba eyh. bilo da dapek kontek tuh, mako macam2 la ceghito.
antaro ceghito yang menarik perhatian den iyolah kawan den koba yang dio da kawen. eden tanyolah kok dah kawen apo x dijompot kenduri eyh? dan keluarlah ayat2 putar alam 7 petala langit. antaro ayat eyh yang den masih igt iyolah "aku kahwin buat apa nak ajak kau? kau kahwin lah sendiri", bilo den tanyo kalo da kawen apo pasal x blk umah, tido opis yo, jawab eyh "isteri aku kat bandung, belajar", dan yang buek den percayo bilo dio tunjuk gambar budak umur dalam 2 tahun. memang ado ireyh-ireyh dio. jadi secaro tak sengajo, den da percayo cito kawan den ni da kawen.
Agak lamo la ceghito kawan ku da kawen ni berlangsung, siap cito namo anak, cito pasal tanggungjawab suami isteri, macam2 laie la...
tapi akhir eyh, ceghito kawen tu bertahan selamo seminggu yo. den tak tahu apo aral yamg melintang, tetibo dio mengaku yang sobona eyh ceghito kahwin tu xdo lah yang bona melainkan tipu belako dengan statement "aku da kahwin cuma belum nikah je" dan "budak tu anak sedare aku"...
alangkah terkejutnya borok eden ngan statement tosobot... raso nak dobik pon ado, tapi sobabkan hari yang dio ceghito dio da kahwin tu harijadi eyh, mako eden maafkan yo lah... walaupon kesahihan eyh hanyo dapek dipastikan solopeh seminggu dari tarikh tersobut....
kepado kawan den tuh... eden ucapkan Happy belated besday and selamat monikah boto-boto, x elok pogang status "unmarried couple" lamo2...

luahan hati dari eden yang single dan tertipu

Tiada ulasan:

Peluncur Professional

sapolah den ni....

Foto saya
given name is FAARIS, nicknamed hubahuba on the net. nama diberi ialah FAARIS. di internet saya lebih senang dikenali sebagai HUBAHUBA.