Terbaik sepanjang zaman

kok dilipek sobosa kuku, kok dibontang sobosa alam,
kok hanyut dipinteh, kok tonggolam disolam,
kok datang biar nampak muko, kok poie biar nampak belakang,
kok jauh diimbau, kok dokek digamit,
seuntai salam, sejambak kato,
selamat meluncur, pembaco sumo.

Rabu, 22 Oktober 2008

Pasar Malam

pado setiap ari rabu, pasar malam akan dibuko kek Bandar Universiti Teknologi Legenda ni(BUTL).
mako seawal 3.30 petang, akan wujudlah khemah2 mobil kek jalan bersebolahan ngan foodcourt.

antaro monu2 yang tersedio kek pasar malam BUTL ni ialah nasi ayam berompah, nasi kerabu, nasi ayam, char kuey tiow, nasi pataya, ayam percik, kopak ayam bbq, air kelapo, cendol, soya, roti john, pita kebab, kopok lekor, sate dan macam2 laie la.
baru2 ni ado la orang da mulo menjual baju, eksesori fesyen, dan barang2 yang bukan makanan.

bilo tiap kali poie pasar malam, eden memang kono sedio an tak kurang RM5. kadang2 tu belanjo kek pasar malam boleh mencecah RM 10 atau lobih. huih. itu bukan den sorang yo belanjo camtu, hampir sumo yang poie pasar malam tu pon belanjo macam tu yo. bilo pandang tangan2 orang lain yang balik dari pasar malam tu, ponah la kiri kanan h ngan macam2 bungkusan plastik borisi macam2.

adokah berbelanjo kek pasar malam ni suatu pembaziran?
iyo pon iyo, tidak pon tidak.
kalo da boli tak igt dunio tu, memang la membazir namo eyh.
tapi kalo sekali sekalo nak manjo an diri, boli makanan sodap2 kek pasar malam tuh, buleh yo. lagipon pasar malam ni banyak membantu pengaliran wang, orang kampung den kato mikro ekonomi.

itu sajolah cerito pasal pasar malam. nak cito lobih2 pon, xtau laie apo nak isi. yang ponting eden da konyang makan tadi. alhamdulillah......

Tiada ulasan:

Peluncur Professional

sapolah den ni....

Foto saya
given name is FAARIS, nicknamed hubahuba on the net. nama diberi ialah FAARIS. di internet saya lebih senang dikenali sebagai HUBAHUBA.