Terbaik sepanjang zaman

kok dilipek sobosa kuku, kok dibontang sobosa alam,
kok hanyut dipinteh, kok tonggolam disolam,
kok datang biar nampak muko, kok poie biar nampak belakang,
kok jauh diimbau, kok dokek digamit,
seuntai salam, sejambak kato,
selamat meluncur, pembaco sumo.

Rabu, 29 Oktober 2008

Nombor Sepuluh

mako dengan ini eden merasmi an kemasukan kiriman yang nombor sepuloh.

yang nombor sepuluh ni den nak lotak personal sikit.

pertamo sekali eden nak cito pasal life den sekarang.
kalo sesiapo yang hari2 tengok den, mosti da menyampah punyo.
tapi, yang baco blog ni bolom tontu laie tengok muko den ari2.
x dinafikan laie sojak dari tahun lopeh, den da ilang minat nak blaja.
blaja pon nak tanak yo.
tapi, lopeh duo tahun, dengan CGPA yang cukup2 makan dan semakin merudum,
buek den pikir balek.
APO SOBONA EH EDEN BUEK KEK LEGENDA NIE?

jadi eden pon try la rewind antaro bondo2 yang den dah buek kek legenda ni maso mulo2 masuk dulu sampai sekarang,
dan eden dapati bondo yang paling stupid den buek kek sini ialah terlalu banyak buang maso kek mondo2 yang xdo pekdah eh.
melepak jauh malam, men game x igt dunio. dan yang paling torok skali buek bisnes tapi x pornah eh bersungguh. itu bondo yang eden paling kosa an. kok diikutan la, orang buek bisnis ni makin hari makin kayo, tapi eden makin hari makin miskin pulak. bukan makin bertambah duit tapi makin kurang pulak.

tapi bilo pikir2 balik, den bukan x pornah raso jadi org berjayo. dulu UPSR den dapek limo A. maso PMR den kumpul tujuh A. SPM pulak tambah laie duo, jadi sembilan A. sumo skali duo puluh satu A. huih! best tuh. maso foundation dulu pon eden dapek 4flat. siap ado pialo laie. ado laie, den monang pertandingan reka baju English Day. walaupon menerimo kritikan2 buruk dari kawan2 seangkatan, yang ponting design den da monang. apo nak dikato...kan kan kan??

tapi kito ni manusio biaso. kadang2 kito ni lupo, alpa, tak sodar diri dan yang berkait sangkut-paut ngan term2 tadi. jadi bilo da jadi macam tuh, mako itulah sobona ujian kito. ujian yang keputusan eh bukan kek atas slip macam kek dunio nie, keputusan ujian ni yang slip eh kalo amik tangan kanan atau tangan kiri pon ado bezo.

dan ternyato ujian tuh den gagal. gagal untuk mengurus diri, gagal untuk mengurus maso dopan, dan gagal dalam menotap an matlamat. den dah gagal untuk pulih dari sakit yang lobih toruk dari psoriasis, sifat malas dan berputus asa.

eden sobona eh x ponah amik kisah pon pasal hidup den sobolom nie.
mandi ko, makan ko, tido ko, bilo nak buek den buek. bilo x buek, den x buek.

apo laie den merepek nie???
kiriman ke sepuluh ni simpan lamo kek draft ghupo eyh.. xpornah tersiar....
jadi eden pon siarkan arinie...
moga jadi pedoman dan tauladan buat diri yang lupo...

Tiada ulasan:

Peluncur Professional

sapolah den ni....

Foto saya
given name is FAARIS, nicknamed hubahuba on the net. nama diberi ialah FAARIS. di internet saya lebih senang dikenali sebagai HUBAHUBA.