Eden Budak Nogori

Dari pagi dah bersiap nak buek rondang. Roncah, santan, daging, sumo2 lah... Barang sumo siap an kek tampin. Potang tadi, poie pilah. Jadi potang tadi mulolah mengacau rondang dalam kawah kek jemapoh. Mulo eyh kito buek rondang ayam dulu. Pkol ompek potang baru mulo. Den kacau santan dulu sobolom masuk an ayam dalam kawah. Dah pokat santan den, baru buleyh masuk ayam. Sambil mengacau rondang ayam tu, ado la robuih sup tulang sekali. Huih memang feveret den la sup tulang rusuk ni... rondang ayam siap dalam pukul onam potang. Rondang yang keduo, rondang daging. Ni yang suspen ni. rondang daging eyh dah sonjo baru nak masak. ha... akibat eyh mengacau la rondang dalam golap. Lopeih solat maghrib, den sambung ngacau. Den kacau yo tak tau la da masak ko bolom. Bau rondang dah naik dah.. wangi eyh lak aih... den kacau laie. kacau, kacau, kacau. Den tanya abah den, rondang ni nak buek apo laie. kacau da lamo da. bau dah naik ni..... lopeih tu omak den datang... "Rondang hanguih!" ...

Bilo den belek2 dalam lappy ni, ado lah gambar2 makanan. Gambar 1: Puding Vanilla Gambar 2: Chicken Chop [Thursday's Special] Gambar 3: Laksa Nyonya Gambar 4: Menu Restoren Sambal Den ghaso nak balik tampin nak makan kek Sambal. Haha. Best boto entri den ni kan??? ps: Restoren Sambal terletak di Jalan Besar Pulau Sebang pss: memang den sajo yo lotak gambar ni bulan2 poso... haha

Sey nak amik maso skit utk ucap selamat ari ghayo kek sumo pembaco Eden Budak Nogori :D Tahun ni macam biaso sey ghayo kek kolo pilah, brisu dan tampin. semayang ghayo kek pilah kot... kek masjid jemapoh. Sapo2 nak join buleyh la datang... lopeih solat buleh makan lomang ngan ghondang skali...  Sey nak mintak mahap kek sumo kok ado yang terkasa bahaso ko, tersilap koba ko, tergurih ati ko, ter itu ter ini, sey minta ampun yo... kiro kosong kosong la ni yo.. sey ni manusio yo, kadang2 tak perasan ado buek silap an... kok tak peuh ati laie leh datang kito jumpo fes to fes... [fesbuk pon buley :p]  Sey jugak nak ucap timo kasih kek sumo pemandau-pemandu yang berhemah dijalan ghayo, yang banyak bersabar. tak dinafikan jumlah keto kek malaysia ni makin banyak. jadi, kok sapo2 yang memandu tu, berhati-hatilah di jalan ghayo yo... kito bukan takat nak beghayo taun ni yo... ghayo aji, ghayo tahun dopan, ghayo aji taun dopan, banyak laie ari rayo kita nak sambut... tok sah la bue...