Eden Budak Nogori

sobolom ni den ado cito pasal parking kek sempadan, jadi jom kito kano pasti kek mano tompek2 yang buleh menimbulkan syak wasangka semaso kito nak parking nie... -pertamo sekali kek bank nasional. bank nasional masih lagi dibawah jajahan negeri sembilan. blok sebolah bank nasional yang dipisahkan ooleh jalan dan simpang ialah jajahan melako. sumo blok yang naik bukit, tu jajahan melako. -kawasan busstand ialah jajahan nogori melako. tapi blok2 kodai kek belakang busstand (kueh udang alor gajah) tu jajahan nogori sombilan. yang bolah dopan (bakery nazih, avon) sumo jajahan pulau sobang. -kawasan sekitar petronas pulau sebang dibawah jajahan melako. -pejabat tanah ialah kawasan nogori sembilan. den ghaso tu yolah tompek2 yang den ghaso sempadan2 ponting. kok ado laie nanti den post laie. :)

kisah ni mcm yang dicerito an oleh adik sey... eden pon x pasan bondo nie... sampai la adik den bagitau... kalo tuan2 suma naik keto bersiar2 kek pokan tampin, hati2 skit maso parking tuh. mano tak eh, tampin tu sobolah sini nogori sobalah sano melako. kalo nak parking waktu pejabat, kono tgk boto2 kek mano petak parking tuh. da masuk melako ko kek nogori sembilan laie... sobab eh kalau parking kek bolah nogori, kono pakai MDT* punyo kupon, tapi kalau kek bolah molako, kono pakai MPAG** punyo kupon lak... kalo separuh kek melako separuh kek nogori... aaa pandai2 ekau lah jang oi... cari yo la petak parking lain... x pon lotak kan ajo 2 2 jonih kupon tuh... kupon parking MDT* ngan MPAG**. habih cito. itulah kisah tampin kali ni... p/s: bawa moto x yah lotak kupon *MDT: Majlis Daerah Tampin **MPAG : Majlis Perbandaran Alor Gajah